Pangulong Duterte nagpaabot ng pagbati sa mga nakapasa sa CPA exam

Nagpaabot ng pagbati si Pangulong Rodrigo Duterte sa mahigit 2,000 examinees na nakapasa sa katatapos na Certified Public Accountant licensure examination.

Ayon kay Presidential Spokesman Salvador Panelo, partikular na ikinatutuwa ng pangulo ang pagkakapasa ng anak ng kanyang long-time aide na si Senador Christopher Lawrence “Bong” Go.

Nasa ikatlong pwesto ang anak ni Go na si Christian Lawrence Go matapos makakuha ng score na 89.50.

Hindi aniya matatawaran ang galing at talino ng nakababatang Go dahil nagtapos itong valedictorian noong elementary at high school at summa cum laude sa kolehiyo sa De La Salle University (DLSU).

Ayon kay Panelo gaya nang sinabi ni Senador Go “like father like son” dahil nag-number three siya sa senate race sa katatapos na eleksyon.

Habang number three naman ang kanyang anak sa CPA exam.