Ayon kay Col. Jonathan Abella, direktor ng Mandaue City Police Office (MCPO), nasa 10 armadong lalaki ang nanloob sa dalawang jewelry store, isang sanglaan at money changer sa loob ng J. Centre Mall sa Barangay Bakilid bandang 8:00 ng gabi.
Ayon naman sa Bogo City Police Station, nasawi ang apat na suspek makaraan ang umano’y pagtatangkang kunin ang armas ng pulis nang maaresto sa Pulambato Port sa Bogo City.
Nakilala ang mga nasawing suspek na sina Kevin Andales, Wilfredo Enguito, Philip Taborada, and Glen Tairos.
Samantala, naaresto naman ang lima pang suspek na sina Jun Candelaria, 38-anyos; Arnel Cimafranca, 38-anyos; Julivy Quirante, 43-anyos; Roel Sumingit, 35-anyos at isa pang hindi nakikilalang lalaki.
Narekober sa mga suspek ang ilang armas, cell phone, libu-libong pera, mga kagamitan sa ginamit na getaway vehicles at mga damit.
Dinala na ang limang suspek sa Bogo Police City Station.
Nananatili namang at large ang iba pang suspek na posibleng may hawak ng mga alahas.