Gusali sa Tandang Sora, QC tinupok ng apoy

Sumiklab ang sunog sa Chateau Normand Building sa isang subdivision sa Tandang Sora, Quezon City Sabado ng gabi.

Ayon sa Bureau of Fire Protection (BFP), umabot ang sunog sa ikalawang alarma.

Nagsimula ang sunog alas 6:49 ng gabi sa naturang gusali na nasa Carmel 3 Subdivision.

Wala namang nasugatan dahil walang tao sa gusali nang mangyari ang sunog.

Nabatid na nagsimula ang apoy sa ikatlong palapag ng Chateau Normand Building.

Iniimbestigahan ang dahilan ng sunog at halaga ng naabong ari-arian.

Naapula ang sunog alas 7:29 ng gabi.