Pangulong Duterte gumagamit ng air purifier necklace para makaiwas sa sakit

Kapansin-pansin ang pagsusuot ng air purifier necklace ni Pangulong Rodrigo Duterte sa mga aktibidad nito nitong nagdaang mga araw.

Sa kaniyang pagsalubong kay Indian President Ram Nath Kovind sa Malakanyang, nakitang nakasuot ang pangulo ng kwintas na air purifier.

Suot na din ito ng pangulo sa mga aktibidad na kaniyang dinaluhan nitong mga nakaraang araw.

Noong Oct. 11 ay nakita rin ang pangulo na suot ang air purifier sa cabinet meeting, gayundin sa dinaluhang business conference sa Maynila noong Huwebes ng gabi.

Ayon kay Presidential Spokesperson Salvador Panelo, ang air purifier ay para maprotektahan ang pangulo sa mga tao sa kaniyang paligid na may sipon at ubo.