Malalakas na aftershocks ramdam pa rin sa Ilang lugar sa Mindanao

Nakapagtala ng panibagong malalakas na aftershocks sa Tulunan, North Cotabato Huwebes ng hapon.

Batay sa datos ng Phivolcs, kabilang dito ang magnitude 4.5 na lindol na may layong 21 kilometers Southeast ng bayan ng Tulunan bandang 2:18 ng hapon.

May lalim ang lindol na 1 kilometer at tectonic ang origin.

Dahil dito, naramdaman ang instrumental intensity 2 sa Tupi, South Cotabato.

Sinabi ng Phivolcs na ito ay aftershocks ng tumamang 6.3 magnitude na lindol sa North Cotabato, Miyerkules ng gabi.

Wala namang napaulat na pinsala sa lugar.