College building sa Digos City nagtamo ng malaking pinsala matapos ang lindol

Isang college building sa Digos City ang nagtamo ng malaking pinsala matapos ang magnitude 6.3 na lindol na tumama sa North Cotabato, Miyerkules ng gabi.

Nagbagsakan ang television sets at nagiba ang pader ng Cor Jesu College building sa Digos City.

Ayon kay local disaster-response officer Leslie Francisco, isa pang school building sa lungsod ang nagtamo ng matinding pinsala ngunit maswerte namang walang ulat na may naipit sa loob nito.

Isa ang Digos City sa nakaranas ng pagyanig kung saan naramdaman sa lungsod ang Intensity 6.