LOOK: Nasirang bahagi ng SM City General Santos dahil sa magnitude 6.3 na lindol

Nasira ang ilang bahagi ng isang mall sa General Santos City bunsod ng tumamang malakas na lindol sa North Cotabato.

Sa Facebook page na Dabawenyo, makikitang nabasag ang ilang salamin SM City General Santos.

Ilan sa debris ay nahulog sa unang palapag ng mall.

Dahil dito, pansamantalang pinalabas ang mga tao sa loob ng naturang mall.

Naitala ang intensity 4 sa nasabing lugar matapos tumama ang magnitude 6.3 na lindol sa Tulunan, North Cotabato bandang 7:37 ng gabi.