Foreign filmmakers hinimok ng DoT na gumawa ng pelikula sa bansa

Hinihimok ng Department of Tourism (DoT) at ng Film Development Council of the Philippines (FDCP) ang mga local at international film producers na gumawa ng pelikula sa Pilipinas.

May incentives options na ipagkakaloob ang DoT sa mga foreign film producers kapag ninais nilang gumawa ng pelikula sa bansa basta’t mayroon lamang silang rehistradong film producers dito sa bansa na makakatuwang sa paggawa ng pelikula.

Ayon naman kay tourism assistant Secretary for Branding and Marketing Communications Howard Uyking, nais nilang ipakita ang mga magagandang tanawin ng bansa sa isang pelikula.

Isa rin itong paraan para mas makilala at tumaas ang turismo sa bansa.