Ipinauubaya na ng Palasyo ng Malakanyang sa kamay ng kongreso ang kapalaran ng pagrerenew ng prangkisa ng TV station na ABS-CBN.
Ayon kay Presidential spokesman Salvador Panelo, hindi mapagtanim ng galit si Pangulong Rodrigo Duterte kahit kanino man.
Matatandaang makailang beses nang pinagbantaan ni Pangulong Duterte ang ABS-CBN na hindi na marerenew ang kanilang prangkisa dahil sa hindi pag-ere ng kanyang campaign jingle noong 2016 presidential elections kahit bayad na ang airtime.
Ayon kay Panelo, isang mabuting tao si Pangulong Duterte
Pagpapahayag lamang aniya ng inis ang ginawa ng pangulo nang pagbantaan noon ang ABS-CBN.
March 2020 nakatakdang mapaso ang prangkisa ng ABS-CBN.
Nasa kamay pa ng Kamara ang bola matapos ihain ni House Deputy Speaker Vilma Santos-Recto ang bill sa franchise renewal ng Broadcast network na inaasahang pag-uusapan ng Committee on Legislative Franchise sa pagbabalik ng sesyon nito sa susunod na buwan.