Bangkay ng lalaki natagpuang palutang-lutang sa Mactan Channel

Natagpuang walang buhay at palutang-lutang sa Mactan Channel ang isang lalaki Lunes, Oct. 14 ng umaga.

Ayon sa mga tauhan ng Hoops Dome Police Station sa Lapu-Lapu City nadiskubre ng isang mangingisda ang bangkay ng lalaki sa Sitio Paradise, Barangay Pajo.

Wala namang nakakakilala sa mga residente ng Sitio Pajo sa nasabing lalaki.

Ang lalaki ay nasa 5-feet and 5-inches ang taas, moreno, maikli ang buhok at nasa edad 35 hanggang 40.

Hindi pa matukoy kung may foul play sa pagkamatay ng lalaki.

Iimbestigahan naman ang mga CCTV camera sa lugar partikular ang mga nakalagay sa dalawang tulay na nagkukunekta sa Mactan Island at mainland Cebu.