Manila Water pinabulaanan ang 780 percent increase sa singil sa tubig

Mariing pinabulaanan ng Manila Water na humihirit sila ng 780 percent na increase sa singil sa tubig.

Bagkus nilinaw ng Manila Water na ang 780-percent na sinasabing increase ay ang posibleng gagastusin lamang sa sandaling matapos na ang pagpapatayo ng wastewater facilities.

Sa official statement ng Manila Water, iginiit nila na hindi nila kailanman sinabing ipapasa nila ito sa kanilang mga consumer.

Ayon pa sa Manila Water, ito ay nakapaloob lamang sa inihain nilang motion for reconsideration sa Korte Suprema.

Paliwanag ng water concessionaire, nakatakdang nilang sundin ang Supreme Court mandamus na tapusin ang lahat ng mga proyekto sa wastewater hanggang taong 2037.