Huwebes ng umaga nang lumabas sa Facebook post ng mall na muling magbubukas ang Isetann Department Store and Supermarket.
Nakasaad sa post na lahat ng empleyado ng Isetann ay pinayuhan na sundin ang kanilang work schedule.
Nakalagay pa sa post ang #WALANGFOREVER at “Isetann RECTO is back to business.”
Pero kalaunan ay tinanggal ang naturang anunsyo sa FB page ng Isetann sa hindi pa malinaw na dahilan.
Ang abiso ng sinasabing muling pagbubukas ng mall ay dalawang araw matapos itong ipasara ni Manila Mayor Isko Moreno dahil sa umanoy paglabag sa ilang ordinansa at kawalan ng ilang business permits.
Gayunman ay sinabi ni Moreno noong Miyerkules na maaari namang muling magbukas ang Isetann kapag nakasunod na ito sa mga requirements ng lokal na pamahalaan.
