Net satisfaction rating ni Pangulong Rodrigo Duterte bahagyang bumaba sa latest SWS Survey

Nananatiling nasa “very good” ang nakuhang net satisfaction rating ni Pangulong Rodrigo Duterte batay sa September 2019 survey ng Social Weather Stations (SWS).

Sa nasabing survey, nakakuha ang pangulo ng +65 na rating, bahagyang mababa kumpara sa +68 na nakuha niya noong June 2019 survey.

Sa survey na isinagawa noong Sept. 27 hanggang 30 ay 78% ng respondents ang nagsabing sila ay satisfied o kuntento sa performance ng pangulo, 13% ang dissatisfied at 9% ang undecided.

Sa Metro Manila at Visayas ay nakapagtala ng pagtaas ng satisfaction rating ang pangulo.

Gayunman, malaki ang naitalang pagbaba sa Balance Luzon at sa Mindanao.