Vice Mayor sa Masbate patay sa pananambang sa Maynila; 2 pang kasama, sugatan

Patay sa pananambang ang kasalukuyang vice mayor ng Batuan Ticao Island sa Masbate na si Charlie R. Yuson III.

Si Yuson ay tinambangan sa Sampaloc, Maynila alas 8:45 ng umaga ng Miyerkules, Oct. 9.

Sa inisyal na imbestigasyon ng Manila Police District, nag-aalmusal sa harap ng bahay sa VG Cruz Street si Yuson kasama ang dalawa pa na sina Wilfredo Pineda at Alberto Alforte nang sila ay pagbabarilin ng hindi nakilalang mga suspek.

Isinugod pa sa UST Hospital ang bise alkalde pero nasawi din habang patuloy namang ginagamot sina Pineda at Alforte.

Mabilis na tumakas ang mga suspek lulan ng sakay ng kulay silver gray na van na may plakang ACM 8804.