Ayon sa Department of Transportation (DOTr), simula bukas ay patuloy ang deployment ng point-to-point buses sa Masinag, Emerald at Santolan stations ng LRT-2 papunta sa Legarda at pabalik.
Nasa 40 na modernized Public Utility Vehicles (PUVs) ang magsasakay ng mga pasahero mula Santolan hanggang Legarda.
Available rin ang Bus Service Loop sa Santolan, Katipunan, Anonas at Cubao.
Ang operasyon ng PUVs ay mula 5:30 ng umaga hangga alas 9:00 ng gabi araw-araw kung saan may bayad na flat rate na P15 mula Santolan hanggang Cubao at P25 mula Masinag hanggang Legarda.
Patuloy din ang libreng sakay sa mga bus ng Metro Manila Development Authority (MMDA) at Philippine Coast Guard (PCG) mula alas 7:00 ng umaga hanggang alas 7:00 ng gabi mula Santolan hanggang Cubao at pabalik araw-araw.
Samantala, bibiyahe na rin ang mga bus ng Victory Liner mula Santolan hanggang Cubao at pabalik mula 4:30 ng umaga hanggang alas 10:00 ng gabi.