Maintenance sa ilang pasilidad ng NGCP sa Pangasinan, isasagawa bukas, Oct. 8

Nag-anunsyo ang National Grid Corporation of the Philippines na may nakatakdang power interruption sa ilang bahagi ng Pangasinan, araw ng Martes, Oct. 8.

Base sa abiso ng NGCP, magsasagawa sila ng maintenance sa kanilang pasilidad sa Labrador-Malasiqui at Urbiztondo Substation.

Dahil dito mawawalan ng suplay ng kuryente mula alas-7:00 ng umaga hanggang alas-6:00 ng gabi.

Apektado ang ilang lugar na sakop ng Pangasinan tulad ng Malasiqui, San Carlos, Binmaley, Lingayen, Bugallon, Mangatarem at Urbiztondo Substation.

Tiniyak naman ng pamunuan ng NGCP na sisikapin nilang maibalik agad ang supply ng kuryente sa nasabing lugar.