James Reid at Nancy ng Momoland magsasama sa teleserye

Magsasama sa isang teleserye sa ABS-CBN sina James Reid at si Nancy McDonie ng Korean pop group na Momoland.

Inanunsyo ito ng Dreamscape kasabay ng pagdating sa bansa ng Momoland araw ng Biyernes, Oct. 4.

Ayon sa Dreamscape si direk Antoinette Jadaone, ang magiging direktor ng Teleserye na siya ring nag-direk ng teleserye nina James at girlfriend niyang si Nadine Lustre na On The Wings of Love at Till I Met You.

Wala namang iba pang detalye pero base sa post ng Dreamscape, sinabing nagsagawa na ng story conference para sa “Soulmate” project.