Pinatitigil ni dating Commission o Elections Chairman Sixto Brillantes ang word-war sa pagitan nina incumbent Comelec Chairman Andres Bautista at Commissioner Rowena Guanzon.
Ang alitan ng dalawa ay nag ugat sa pag-iisyu ni Bautista ng memo laban kay Guanzon makaraang maghain ang Commissioner ng hindi raw otorisadong komento sa Korte Suprema ukol sa Temporary Restraining Order o TRO sa disqualification cases na kinakaharap ni Senadora Grace Poe.
Nagpost pa si Guanzon sa kanyang Twitter account na hindi siya subordinate at hindi siya tauhan ni Bautista.
Pero ayon kay Brillantes, hindi maganda para sa imahe ng Comelec ang bangayan nina Bautista at Guanzon.
Sa halip, iginiit ni Brillantes na marapat na manahimik na lamang ang dalawang Comelec officials at ayusin ang kanilang hindi pagkakasunduan sa pribadong paraan.