MRT-3 may alok na libreng sakay sa mga guro bukas para sa selebrasyon

May alok na libreng sakay ang Metro Rail Transit Line 3 (MRT-3) sa mga guro bukas araw ng Sabado, Oct. 5.

Ito ay bilang pakikiisa sa selebrasyon ng National Teachers’ Day.

Sa pahayag ng pamunuan ng MRT-3, maaring makasakay ng libre sa MRT ang mga guro mula alas 5:30 ng umaga hanggang alas 10:30 ng gabi.

Kailangan lamang ipakita ng mga guro ang kanilang Professional Regulatory Commission (PRC) license o ang kanilang faculty ID para ma-avail ang libreng sakay.