Red lightning alert itinaas sa NAIA; operasyon ng paliparan pansamantalang inihinto

Pansamantalang inihinto ang operasyon ng Ninoy Aquino International Airport (NAIA), araw ng Biyernes (October 4).

Sa abiso ng Manila International Airport Authority (MIAA), ito ay makaraang itaas ng PAGASA ang red lightning alert bandang alas 1:23 hapon.

Dahil dito, sinuspinde ang lahat ng flight at ground operation sa nasabing paliparan.

Ayon sa MIAA, alas 2:41 ng hapon nang ibaba sa yellow lightning ang alerto at muling mag-resume ang operasyon sa NAIA.