LRT-2, suspendido ang operasyon sa Biyernes, Oct. 4

Sinuspinde na ng Light Rail Transit Authority (LRTA) ang operasyon ng Light Rail Transit Line 2 (LRT-2) sa araw ng Biyernes, October 4.

Ito ay matapos ang insidente ng pagkasunog ng power rectifier sa Katipunan Station, Huwebes ng umaga.

Ayon kay LRTA spokesperson Hernando Cabrera, suspendido ang buong operasyon ng tren bukas batay sa pinakahuling ulat ng LRTA engineering and safety units.

Hindi rin aniya magpapatupad ng partial line operations sa tren.

Ani Cabrera, bunsod ito ng mga technical at safety concern sa nasabing tren.