Opisyal ng Iligan City Hall, nakaligtas sa pananambang

Nakaligtas ang isang opisyal ng Iligan City Hall sa tangkang pananambang, Huwebes ng madaling-araw.

Sinabi sa Inquirer ni Edilberto Don, staff ng City Environment Management Office (CEMO), nakita ni CEMO head Atty. Ranulfo Cenas na may isang lalaki na nagtutok ng baril sa kaniya sa labas ng gate ng City Engineering Compound.

Maswerte namang nahulog ang magazine ng baril ng suspek.

Dahil dito, agad tumakbo si Cenas papasok sa compound kung nasaan ang opisina ni Mayor Celso Regencia.

Patuloy pa ang isinasagawang imbestigasyon sa insidente.