Panukalang Federal constitution, patuloy na tinatalakay – DILG

Inihayag ng Department of Interior and Local Government (DILG) na patuloy pa ang pagtalakay sa panukalang Federal constitution.

Sa isang forum, sinabi ni DILG spokesman at undersecretary Jonathan Malaya na hindi pa tapos ang pagtalakay ng Inter-Agency Task Force on Federalism and Constitutional Reform (IATF) na binuo ni Pangulong Rodrigo Duterte para sa rito.

Dahil dito, hindi pa aniya maaaring simulan ang kampaniya para sa Pederalismo.

Hindi pa aniya nagkakasundo ang mga kasapi ng task force sa probisyon ng aniya’y Puno Commission draft.

Pinangungunahan ang nasabing task force ni DILG Secretary Eduardo Año bilang chairperson, kasama si Justice Secretary Menardo Guevarra bilang vice chairperson.