P2M halaga ng pananim nasira sa pagbaha sa isang bayan sa Cotabato

Umabot sa P2 milyon ang halaga ng napinsalang pananim sa Kabakan, Cotabato bunsod ng naranasang pagbaha doon.

Ayon kay Municipal Disaster Risk Reduction and Management Officer David Don Saure, napinsala ang ekta-ektaryang tanim na palay, gayundin ang mga pananim na gulay.

Ang mga nasirang palay ay nakatakda na sanang anihin sa susunod na linggo.

Sa pagtaya ng MDRRMO, umabot sa 600 ektaryang pananim ang napinsala at tinatayang P2 milyon ang halaga.

Naranasan ang pagbaha sa mga barangay ng Bangilan, Malanduage, Cuyapon, Upper Paatan, Poblacion, Katidtuan, Dagupan, Salapungan, Malamote, Pedtad at Sangadong.

Mayroon namang 500 pamilya na naapektuhan ng baha sa Upper Paatan, at 241 na pamilya sa Barangay Katidtuan.