Biyahe ng LRT line 1 limitado dahil sa mechanical problem

Limitado ang biyahe ng LRT line 1 ngayong umaga bunsod ng nararanasang mechanical problem.

Sa abiso ng LRT-1 sa kanilang official Twitter Account, ang biyahe ng kanilang mga tren ay mula Monumento hanggang Baclaran lamang at vice versa.

Wala munang biyahe mula Monumento patungong Roosevelt at pabalik.

Ito ay dahil sa mechanical issues na naranasan sa Roosevelt Station.

Nakasaad sa abiso na inilabas alas 7:09 ng umaga ng Huwebes (Oct. 3) na agad nag-deploy ng mga tauhan para matignan ang problema.

Alas 6:33 ng umaga nang magpalabas ng abiso ang LRT-1 na na nagpatupad sila ng stop operation dahil sa mechanical problem.