Sa panayam ng Radyo Inquirer, sinabi ni Magalong na hanggang ngayon ay mayroon pa ring problema sa Philippine National Police (PNP) dahil nananatiling namamayagpag ang grupo na may kaugnayan sa kalakalan ng iligal na droga.
Malinaw anya sa pagdinig sa Senado na lumabas na mismong mga nagpapatupad ng drug war ay “inconsistent” at mayroong “deception” o panlilinlang.
Ibinahagi pa ni Magalong ang pagkalungkot at pagkadismaya ng mga rank ang file officers ng PNP dahil nadadamay anila silang nagtatrabaho ng tama sa umanoy katiwalian ng iba.
Sa isyu naman ng pagka-ugnay ni PNP chief General Oscar Albayalde sa “ninja cops” dahil sa kwestyunableng raid noong 2013 sa Pampanga kung saan siya ang dating provincial director, iginiit ni Magalong na dapat lamang na ilabas kung ano talaga ang katotohanan.
Narito ang bahagi ng panayam kay Magalong:
