Sa panayam ng Radyo Inquirer, sinabi ni Magalong na nanggaling ang impormasyon kay dating PNP chief Alan Purisima.
Si Purisima aniya ang nakatanggap ng impormasyon na biglang nagkaroon ng sports utility vehicle (SUV) ang labing-tatlong pulis-Pampanga pagkatapos ang isinagawang anti-drug operation sa bayan ng Mexico noong 2013.
Ito aniya ang nagtulak para magsagawa ng imbestigasyon sa isyu.
Si PNP chief General Oscar Albayalde ang Pampanga police provincial director nang mangyari ang kontrobersyal na operasyon noong 2013.
Matatandaang si Magalong ang nagdawit sa pangalan ni Albayalde na sangkot umano sa mga ‘ninja cops’ sa isinagawang executive session sa Senado.
Narito ang bahagi ng panayam kay Magalong:
