Makati City nagsuspinde ng klase sa Biyernes, Oct. 4

Sinupinde ng pamahalaang lungsod ng Makati ang klase sa araw ng Biyernes, October 4, 2019.

Batay sa inilabas na executive order no. 3, kinansela ni Mayor Abigail “Abby” Binay ang klase para sa paggunita ng World Teachers Day.

Sakop ng suspension ang lahat ng pampublikong paaraalan mula elementary hanggang kolehiyo sa lungsod.

Base pa sa kautusan, hinikayat ng alkalde ang lahat ng ahensya at departamento sa lungsod na aktibong makiisa at suportahan ang mga aktibidad sa programa para sa pagdiriwang.

Sa ilalim ng Presidential Proclamation No. 21 series of 2010, idineklara ang unang Biyernes ang Setyembre hanggang October 5 bilang National Teachers Month.