2 bayan sa Davao Occidental niyanig ng lindol

Niyanig ng magkahiwalay na lindol ang dalawang bayan sa Davao Occidental, Martes ng hapon.

Sa impormasyon ng Phivolcs, unang tumama ang magnitude 3.1 na lindol sa 149 kilometers Southeast ng Sarangani bandang 4:48 ng hapon.

May lalim ang lindol na 26 kilometers at tectonic ang origin.

Samantala, yumanig naman ang kaparehong lakas ng lindol sa 131 kilometers Southeast ng Jose Abad Santos bandang 6:09 ng gabi.

61 kilometers ang lalim ng lindol at tectonic ang origin.

Kapwa naman walang napaulat na pinsala sa dalawang lindol.

Wala ring inaasahang aftershocks matapos ang pagyanig.