Ito ay kasunod ng ikakasang malawakang tigil-pasada ng mga pampasaherong jeep.
Sa abiso ng pamahalaang lungsod ng Valenzuela, nasa mahigit 30 ang ipakakalat na libreng sakay na bus at trak sa lugar.
Magsisimula ang biyahe bandang 5:00 ng umaga at matatapos dakong 12:00 ng hatinggabi.
Magkakaroon ng biyahe sa bahagi ng MacArthur Highway Malanday – Monumento sa pabalik, Malinta – Maysan Road – Paso de Blas – Bagbaguin at M. H. Del Pilar Road at pabalik.
Pinaalalahanan din ang mga motorista na suspendido ang number coding sa lugar sa Lunes.
Maliban sa Valenzuela City, magkakaroon din ng libreng sakay ang pamahalaang lungsod ng Malabon para tulungan ang mga commuter na maaapektuhan ng transport strike.
Magsisimula ang libreng sakay bandang 5:00 ng madaling-araw.
Narito naman ang ruta sa nasabing lugar:
– Tatawid hanggang Monumento at pabalik
– Tatawid hanggang Sangandaan at pabalik
– Hulo hanggang Monumento at pabalik
Samantala, may libreng sakay din ang pamahalaang lungsod ng Marikina para sa mga commuter na magsisimula bandang 5:00 ng madaling-araw.
Ilan sa mga ruta sa Marikina ay ang mga sumusunod:
– Nangka hanggang LRT
– NGI Parang hanggang LRT
– Panorama SSS Village hanggang LRT
– Savemore Bayan hanggang LRT
– Marikina Sports Center hanggang LRT