Pacquiao at Khan posibleng maglaban sa Dubai

Hindi inaalis ni Manny Pacquiao ang posibilidad na gawin ang susunod nitong laban sa Dubai.

Ayon pa kay Pacquiao, bukas siyang makalaban ang dati niyang sparring partner na si Amir Khan.

Target ng pambansang kamao na muling lumaban sa ring sa susunod na taon.

Muling mag-uusap ang kampo nina Pacquiao at Khan kaugnay ng posible nilang bakbakan.

Matagal nang inihayag ni Khan na nais niyang makalaban ang Filipino boxing champion.

Ilang beses nang nagkaroon ng negosasyon pero hanggang ngayon ay wala pang naisarang deal.

Huling nakalaban at tinalo ni Pacquiao si Keith Thurman habang si Khan ay tinalo naman si Billy Dib.