LOOK: Pia Wurtzbach, nagdiwang ng kaarawan sa Indonesia

Ipinagdiwang ni Miss Universe 2015 Pia Wurtzbach ang kaniyang ika-30 kaarawan sa Bali, Indonesia.

Gamit ang kaniyang Instagram account, ibinahagi ni Pia ang mga larawan ng pagbabakasyon sa iba’t ibang isla sa nasabing bansa.

Makikita sa mga larawan na stunning pa rin si Pia sa kaniyang white bikini.

Ayon kay Pia, masaya siyang ipagdiwang ang kaarawan kasama ang malalapit na kaibigan.

Ang ilan pa aniya sa mga ito ay lumipad pa mula sa London papuntang Indonesia para lamang makasama sa kaniyang selebrasyon.

Nakasama rin ni Pia ang dalawang pinsan at dalawang pageant sisters sa Binibining Pilipinas.