Batay sa thunderstorm advisory ng PAGASA bandang ala 1:40 ng hapon, mararanasan ang katamtaman hanggang malakas na buhos ng ulan na may kasamang kidlat at malakas na hangin sa Tarlac, Bataan, Laguna, Batangas, Rizal at Quezon.
Iiral ang sama ng panahon sa susunod na dalawang oras.
Maliban sa mga nabanggit na lugar, apektado rin ng pag-ulan ang Zambales partikular ang Botolan, San Marcelino, Cabangan, Castellijos, Subic, Olongapo at San Narciso.
Kaparehong sama ng panahon din ang mararanasan sa Magallanes, General Emilio Aguinaldo, Maragondon at Alfonso sa Cavite; Porac sa Pampanga.
Pinayuhan ng weather bureau ang mga residente sa lugar na maging maingat sa posibleng pagbaha at pagguho ng lupa.