Si Kuya Germs ay pumanaw alas 3:20 ng madaling araw kanina sa St. Luke’s Hospital sa Quezon City dahil sa cardiac arrest.
Sa harap ng pagdadalamhati, nagpasalamat ang television host at pamangkin ni Kuya Germs na si John Nite sa lahat ng nagmamahal at nagdasal para sa kaniyang tiyuhin.
Ayon kay John, nasa Saint Luke’s Hospital ang kanilang pamilya at ilang kaibigan mula nang isugod sa doon si Kuya Germs matapos na muling ma-stroke.
Noong Enero 2015, isinugod din sa ospital si Kuya Germs dahil sa katulad na karamdaman.
Sa Mount Carmel Chruch sa Aurora Boulevard ilalagak ang mga labi ni Kuya Germs.
Bagaman bubuksan sa publiko ang burol ni Kuya Germs, nakiusap si John na mabigyan din muna sila ng pamilya ng privacy.
Si Kuya Germs ay nakilala bilang ‘star builder’ sa kaniyang youth oriented show noong dekada 80 na That’s Entertainment.
Kabilang sa mga napasikat ni Kuya Germs sina Lea Salonga, Manilyn Reynes, Gladys Reyes, Judy Ann Santos, Janno Gibbs, Billy Crawford, Donna Cruz, Ramon Christopher, at Lotlot de Leon.
Si Kuya Germs din ang nagpasimuno ng “Walk of Fame” sa Eastwood, Quezon City, na local counterpart ng “Walk of Fame” sa Hollywood, USA para bigyang pagkilala ang mga artista, broadcasters, singers at iba pang may kontribusyon sa showbiz industry.
Nagsimula si Kuya Germs bilang janitor sa Clover Theater sa Maynila noong 1950s bago naging stage actor at tuluyang gumanap sa pelikula.
Narito ang pakikiramay at mensahe ng mga showbiz personalities mula kanilang twitter accounts:
“It’s not how much we give but how much love we put into giving, that’s Kuya Germs. Rest in peace Tay” – Alden Richards
“Rest in peace Kuya Germs. You lived a long, full life. I am very glad and honored to have met you. Condolences to the Moreno Family” – Rocco Nacino
“You can finally sleep now Kuya Germs. Heaven welcomes The Master Showman” – KC Montero
“RIP German Moreno #KuyaGerms. You were a big part of my childhood on That’s Entertainment! You will always be remembered Master Showman!” – Rico Hizon
“Rest in Peace to our country’s Master Showman, Kuya Germs” – Benjamin Alves
“My dearest compadre and Gary’s “friend,” passed away at 3:20am. We will never forget you Kuya Germs.The most loyal friend anyone could have” – Angeli Valenciano
“Bye Kuya Germs. Salamat po sa mga palo, kurot at yakap mo. Thanks for the LOVE. God bless your soul” – Vice Ganda