Operasyon ng Zamboanga Airport tatlong oras na ihihinto sa Sabado para sa emergency exercise

Tatlong oras na ititigil ang operasyon ng Zamboanga Airport sa Sabado, Sept. 28.

Isasara sa lahat ng commercial flights ang paliparan mula alas 8:00 ng umaga hanggang alas 11:00 ng umaga.

Ito ay para sa gagawing Full Scale Mock Emergency Exercise.

Bahagi ng drill ang pagsunog sa isang mock aircraft rerespondehan ng emergency vehicles.

Pinayuhan ng Civil Aviation Authority of the Philippines (CAAP) ang publiko na maging mahinahon at huwag mag-panic sa kasagsagan ng drill.