Ayon kay Zarate, hindi dapat hayaan na tuluyang makalusot maging sa Senado ang P4.1 Trillion na budget sapagkat hindi ito dumaan sa tamang pagbusisi sa lebel pa lamang ng Kamara at minadali ang proseso ng pagapruba dito.
Sinabi ng kongresista na pagkabigay pa lamang ng libro ng pambansang pondo ay agad na sinimulan ang mga pagdinig at nawalan ng panahon ang mga kongresista na aralin ang nilalaman nito.
Hindi na rin nila nasilip pa ang mga malalaking halaga ng lumpsum at congressional allocation na patunay na naririyan pa rin ang pork barrel.
Iginiit nito na Matapos lamang ang isang linggo ng pagpasok ng individual amendments sa pambansang pondo ay agad itong isusumite sa Senado.