Sa panayam ng Radyo Inquirer kay Manila Police District (MPD) director Brig. Gen. Vicente Danao Jr., sinabi nito na ang ginawang proseso ng contractor ay sabay-sabay ang pag-demolish o paggiba sa mga palapag ng gusali.
Ayon kay Danao, sa kanyang assessment, ang nangyari ay lahat ng portion ng gusali ay sinabay-sabay ng demolish kaya hindi na kinaya ang bigat ng ibang palapag na nag-resulta sa pagbagsak ng gusali.
Dagdag ni Danao, isang witness ang nagsabi na binalaan niya ang contractor na dapat ay paisa-isang palapag lamang ang i-demolish pero hindi umano siya pinansin.
Narito ang bahagi ng panayam kay MPD chief Vicente Danao Jr.
