Ayon kay Dar, nagpositibo sa ASF ang mga baboy sa naturang barangay na hindi muna nito pinangalanan.
Sa ngayon ay naka-quarantine na ang nasabing barangay sa Antipolo.
Una ng kinumpirma ng ahensya na 11 barangay ang apektado ng ASF.
Ito ay matapos makumpirma na ASF ang dahilan ng pagkamatay ng mga baboy sa ilang barangay sa Quezon City, Bulacan at Rizal.
Patuloy ang apela ng DA at apektadong mga lokal na pamahalaan sa mga magbababoy na ireport agad ang mga may sakit na baboy.
Nagsagawa naman na ang Quezon City government ng culling o pagpatay sa mga baboy sa pamamagitan ng lethal injection sa loob ng isang kilometrong radius ng mga barangay na mayroong ASF.