Tatlo patay sa sunog sa home for mentally disabled sa Wisconsin

Patay ang tatlong katao sa sunog na naganap sa home for intellectually disabled people sa eastern Wisconsin.

Natupok ng apoy ang Fond du Lac group home at natagpuan ang tatlong nasawi sa ikalawang palapag ng gusali.

Dalawa naman ang nagawang makalabas nang sumiklab ang apoy at sila ang tumawag sa mga bumbero.

Ayon kay to Fond du Lac Fire Chief Peter O’Lear, inaalam pa nila kung ano ang pinagmulan ng apoy.

Bubusisiin naman ng mga otoridad kung gumana ang smoke alarms ng pasilidad.

Ang naturang pasilidad ay para sa mga nakatatanda na walang nag-aalaga o ‘di kaya ay hindi kayang alagaan ang sarili.