Water level ng Angat dam halos sumampa na sa 189 meter level

Nadagdagan pa sa nakalipas na magdamag ang water level ng Angat dam.

Sa datos ng PAGASA Hydrology alas 6:00 ng umaga ay nasa 188.98 meters na ang antas ng tubig sa Angat dam.

Halos maabot na nito ang 189 meter level.

Nadagdagan din ang water level ng Ipo dam at La Mesa dam na nasa 101.07 meters at 78.15 meters.

Nadagdagan din ang antas ng tubig sa Pantabangan at Magat.

Habang pawang nabawasan ang water level ng Ambuklao, Binga, San Roque at Caliraya.