Sa gitna ng banta ng African Swine Fever (ASF), nakaamba ang dagdag presyo ng ilang processed meat products sa susunod na mga buwan.
Ang pagtaas ng presyo ng naturang produkto gaya ng hotdog at bacon ay bunsod ng posibleng pagkaunti ng supply ng karneng baboy dahil sa ASF.
Ang dagdag presyo ay nasa pagitan ng 30 at 40 porsyento ng presyo ng imported na pork cuts.
Samantala, habang papalapit ang kapaskuhan ay nagbabala rin ang industrya na maaari namang dumoble ang presyo ng ham.
Gayunman tiniyak ng mga manufacturers ng processed meat products na hindi nila gaanong itataas ang presyo pagdating sa mga palengke dahil baka lalong lumiit ang kanilang kita.
Sa gitna ng banta ng ASF, dumaraing na ang mga nasa sektor ng baboy ng pagbagsak ng kita dahil sa naturang sakit na tumatama sa mga baboy.