Ayon sa statement ng Bagong Alyansang Makabayan (Bayan), kabataan ang mangunguna sa mass mobilization na lalahukan ng iba’t ibang sektor, faith-based groups at social activists.
Ayon kay Bayan secretary-general Renato Reyes, sa pagkalimot ay mas nagiging mahina ang tao dahilan para maulit muli ang nangyari sa nakalipas.
Mahalaga anya na ang kabataan ang nangunguna para sa mga hakbang para labanan ang pilit na pagbago sa kasaysayan at sa umuusbong na diktadurya sa ilalim ng Duterte administration.
“The moment we forget, we become vulnerable and susceptible to repeating the past. It is therefore such an important development that the youth of today are at the forefront of efforts to fight historical revisionism and the now looming dictatorship under this administration,” ani Reyes.
Ayon kay Reyes, ang mga taktikang mala-Marcos ng kasalukuyang administrasyon ay hindi katanggap-tanggap sa Sambayanang Filipino.
“Our message is clear. The Duterte regime’s Marcosian tactics are unacceptable to the Filipino people. Remember that Marcos was ousted for his authoritarian rule marked by corruption and gross human rights violations. The widespread human rights violations and abuse of power we see today are reminiscent of Marcos’ rule,” dagdag ni Reyes.
Ang pag-aabuso umano sa kapangyarihan noon hanggang ngayon ang isang dahilan kung bakit hindi umuunlad ang bansa.
Hinikayat ng Bayan ang lahat ng lalahok sa Martial law commemoration and protest na magsuot ng itim at magdala rin ng itim na payong sakaling umulan.