Landslide naitala sa Quirino – Nueva Vizcaya Road bunsod ng pag-ulan

Nagkarooon ng landslide sa bahagi ng Quirino – Nueva Vizcaya Road bunsod ng nararanasang pag-ulan.

Ayon sa Department of Public Works and Highways (DPWH), dahil sa pagguho ng lupa ay isang linya lamang ang nadaanan sa Junction Abbag – Nagtipunan, Nueva Vizcaya Road.

Naitala ang landslide sa main road sa bahagi ng Barangay Landingan, bayan ng Nagtipunan sa Quirino.

Nagsasagawa na ng clearing operations ang mga tauhan ng DPWH sa lugar.