Klase sa Bocaue, Bulacan suspendido sa Lunes (Sept. 16)

Sinuspinde ang klase ng mga estudyante sa Bocaue, Bulacan sa araw ng Lunes (September 16).

Ayon kay Mayor Joni Villanueva, apektado ng suspensiyon ng klase ang lahat ng antas sa pampubliko at pribadong paaralan.

Aniya, 84.2 porsyento ng mga barangay sa Bocaue ay lubog pa rin sa tubig-baha dulot ng high tide at ulang dala ng southwest monsoon o habagat.

Ang umiiral na habagat ay pinalakas ng Tropical Depression ‘Marilyn.’