Juan Elorde, nabigong masungkit ang WBO super bantamweight world title kay Emmanuel Navarette

By: Angellic Jordan - 5 years ago

Nabigo ang Filipino boxer na si Juan Miguel Elorde na masungkit ang WBO super bantamweight world title laban kay Mexican boxer Emmanuel Navarette.

Nanalo si Navarette sa pamamagitan ng technical knockout (TKO) sa ikaapat na round ng laban.

Nauna nang napatumba ni Navarette si Elorde sa ikatlong round ngunit lalong nagbato ng mga suntok ang defending champion dahilan para manalo sa boxing match.

Ito na ang ikatlong pagkakataon na naidepensa ni Navarette ang world title.

Dahil dito, si Navarette ay mayroon nang 29-1 win-loss record habang si Elorde naman ay may 28-2 win-loss record.

Undercard ang laban nina Elorde at Navarette sa bakbakan nina Tyson Fury at Otto Wallin sa T-Mobile Arena sa Las Vegas, USA.