Ayon kay PDEA special enforcement service director Levi Ortiz, nasamsam ang ilegal na droga sa dalawang tulak ng droga sa harap ng Saint Joseph Chapel sa Barangay Ususan bandang 5:30, Miyerkules ng hapon.
Nasa kalahating kilo ng shabu ang nakuha sa mga suspek na may kabuuang halaga na P3.4 milyon.
Nakilala ang mga suspek na sina Aijo Dinglasan Akaoka, 23-anyos, at Christian Reyes Aguilar, 41-anyos.
Narekober din mula sa mga suspek ang motorsiklo, dalawang cellphone, ilang ID at P1,000 na buy-bust money.
Dinala naman ang ilegal na droga sa laboratoryo ng PDEA para gagawing pagsusuri.
Inihahanda na rin ang mga kasong isasampa laban sa dalawa.