Mga pasilidad sa Mindanao Grid hindi napinsala ng lindol sa Davao Oriental

Tiniyak ng National Grid Corporation of the Philippines (NGCP) na tuloy ang power transmission services sa lalawigan ng Davao Orinetal.

Ayon sa pamunuan ng NGCP, hindi napinsala ang kanilang mga pasilidad sa Mindanao Grid matapos ang nangyaring lindol sa nasabing lalawigan.

Nananatiling maayos ang kanilang transmission facilities kaya walang power interruption na mangyayari sa Davao Oriental at sa mga kalapit na lugar.

Bandang ala 1:39 Martes ng hapon, Sept. 10 ay niyanig ng magnitude 5.8 na lindol ang bayan ng Governor Generoso sa Davao Oriental.