Pagkamatay ng pasahero sa biyahe ng PAL mula Canada pinaiimbestigahan na

Pinaiimbestigahan na ng pamunuan ng Philippine Airlines (PAL) ang pagkasawi ng isang 63-anyos na babae sa kanilang biyahe patungo ng Maynila mula sa Canada.

Sa impormasyon ng Manila International Airport Authority (MIAA) sakay ang babae ng Flight PR 117 mula Vancouver noong Lunes (Sept. 9).

Ayon pa sa MIAA “cardio-respiratory arrest etiology in end-stage renal failure” ang ikinasawi ng hindi kinilalang babae.

Nabatid pa ng nasabing tanggapan na base sa medical history mayroon itong “breast cancer, with kidney and bone metastasis.”

Aalamin naman ng PAL kung mayroong medical clearance ang pasahero ng sumakay sa eroplano.