US Embassy sa Kabul, Afghanistan niyanig ng rocket explosion

Binulabog ng pagsabog ng rocket ang embahada ng Amerika sa Kabul, Afghanistan.

Ito ay kasabay ng paggunita sa 9/11 attack na naganap sa US.

Wala namang nasugatan sa pagsabog na naganap sa compound ng embahada.

Nasa loob ng embahada ang mga empleyado.

Matapos ang malakas na pagsabog ay inanunsyo gamit ang loudspeaker ang mga katagang “An explosion caused by a rocket has occurred on compound.”

Ito ang unang pag-atake sa Kabul simula nang itigil ni US President Donald Trump ang U.S.-Taliban talks noong weekend.