Pahayag ito ng pangulo kay Sabio sa gitna ng pagpapahiwatig ng huli na handa na siyang magsalita laban kay dating Senador Antonio Trillanes IV.
Sina Sabio at Trillanes ang naghain ng crimes against humanity laban kay Pangulong Duterte sa International Criminal Court dahil sa madugong anti-drug war campaign.
Si Sabio ang tumatayong abogado sa self-confessed DDS na si Edgar Matobato.
Ayon sa pangulo, hindi niya alam ang dahilan ng pagtalikod ni Sabio kay Trillanes.
Pakiusap ng pangulo kay Sabio, sabihin ang totoo kung magbibigay man ng kanyang testimonya, pabor man o hindi kay Trillanes na ibinabato ngayon ng alegasyong may kinalaman umano sa Bikoy video.
Tinutukoy ng Bikoy video na “Ang Totoong Narcolist” na sangkot umano sa ilegal na droga ang pamilya ni Pangulong Duterte bagay na pinasisinungalingan ng punong ehekutibo.